“DITO KA LANG”

Ni Noriedo Basa

Alam kong mabigat ang ‘yong dala

At ang isipa’y nababagabag

Nalilito kung pa’no dadalhin

Malapit nang mahulog sa bangin

Ipapangako sayo ngayon

Hindi ka hahayaang malugbmok

Sa sulok na kinamkam ng dilim

Kaibigan sana’y iyong dinig

Dito

Dito ka lang

Dito

Dito ka lang

Pinagdududahan ang halaga

Akala mo siguro ay wala

Hindi mo lang alam o kapatid

Na ang tingin sayo ay magiting

Dito

Dito ka lang

Dito

Dito ka lang

Sa mundo na kailangan

Ang iyong ningning

Dito

Dito ka lang

Kung maisipan mon a mawala

Hinding-hindi ko ‘yon makakaya

Ikaw ay aking aalagaan

Dumanas man ng libo pang ulan

Dito

Dito ka lang

Dito

Dito ka lang

Sa mundo na kailangan

Ang iyong ningning

Dito

Dito ka lang

                                                               

“Ilam Alap”

                                                            Ni: Sophie Kate Connelly Pascua

Nag umpisa ang lahat sa simpleng “hi” at “hello” 

Hanggang sa napunta sa tawagan ng “by” 

Hindi na maalis ang mga mata sa telepono

Ikaw ang kausap mapa umaga,tanghali o gabi 

Pinaikot ko ang mundo ko sayo

Na bawat oras bawat minuto, tayo ang nasa isip ko.

Ngunit nag sawa at nag-laho nalang bigla. 

Mali pala.

Maling itulad ko ang relasyon naten sa relasyon ko noon.

Mali pala na mas minahal kita tulad ng pagmamahal ko sa ex ko noon.

Mali pala 

Pero alam mo kung anong mas mali?

Yung tumulad ka sa kanila. 

Sabi mo iba ka, sabi mo orihinal ka. 

Pero bakit inulit mo? bakit nireplika mo?

Alam mong mali pero bakit ginaya mo?